નાગરવેલના પાનથી ચેહરા પર આવશે ગજબનો નિખાર,જાણી લો એના બીજા પણ ચમત્કારી ફાયદા..

0
185

ગુજરાતના ચોરવાડ અને દક્ષિણ ગુજરાતમાં સારી એવી ખેતી થાય છે તે નાગરવેલના પાન જેને અંગ્રેજીમાં ‘(Betel Leaf)’ અને સંસ્કૃતમાં નાગવલ્લરી કે સપ્તશીરા કહે છે, જેને ગુજરાતીમાં નાગરવેલનાં પાનથી ઓળખવામાં આવે છે જે દક્ષીણ પૂર્વ એશિયામાં મળી આવતા એક લતા-વેલો હોય છે. દિલના આકાર વાળા પાનના પાંદડા ઔષધીય ગુણો થી ભરપુર હોય છે. ભારતીય ઉપમહાદ્વીપમાં ભોજન પછી પાન ખાવાનું ખૂબ પ્રચલિત છે. તેનો વપરાશ વધી રહ્યો છે કારણ કે તે 32 જાતના રોગોને દૂર કરવામાં મદદ કરે છે અને તેથી તેને ગ્રીન ગોલ્ડ તરીકે ઓળખાય છે.૪૬૦૦ વર્ષો પહેલાં હરપ્પાના લોકો પાન ખાતા હતા. દુનિયામાં રોજના ૬૦ કરોડ લોકો પાન ખાય છે. એશિયા અને દક્ષિણ એશિયાના અનેક લોકો પાન ખાય છે.

ભારત, પાકિસ્તાન, બંગ્લાદેશ, તાઈવાન, મ્યાનમાર, કંમ્બોડિયા, થાઈલેન્ડ, લાઓસ, વિએટનામ, શ્રીલંકા, નેપાલમાં ઘણું ઉચું સ્થાન ધરાવે છે. દુબઈની સરકારે એકાદ વર્ષ પહેલાં પાનની આયાત પર પ્રતિબંધ ફરમાવ્યો છે. પાન સંસ્કૃતિ, પરંપરા, ધાર્મિકવિધિ તેમજ ઔષધ સાથે વણાઈ ગયેલી છે.પાન કેન્સર વિરોધી છે. આ પાનનું પુરૃં નામ નાગરવેલનું પાન છે. તેને અંગ્રેજીમાં ‘બીટલ લીફ’ કહે છે. આમ તો પાન માત્ર આપણો મુખવાસ છે તેવું નથી. તે ઘણી બધી રીતે સંસ્કૃતિ સાથે વણાઈ ગયેલ છે.તેમ છતાં તેની કદરૃપી બાજુને આપણે નજર અંદાજ ન કરી શકીએ.

ચાર-પાંચ રૃપિયાથી ઓછું પાન મળતું નથી. પાંચ રૃપિયાથી માંડી પંદરસો રૃપિયા સુધીના પાન મળે છે. તેમાં પણ મધુરજની સ્પેશ્યલ પાન મળતા હોય છે. લોકોમાં પણ પાન પેટી ઘરમાં રાખવાનો કે સાથે ફેરવવાનો રીવાજ હોય છે.૪૬૦૦ વર્ષો પૂર્વે હરપ્પાની સંસ્કૃતિના લોકો તેને ઉગાડતા અને તેનો ઉપયોગ કરતા હતા. વેદોના જમાનાના લોકો પણ તેનાથી પરિચિત હતા. ભારતના મહાન વૈદ્યરાજો ચરક અને સુશ્રતે પાનના ગુણો વિશે લખેલ છે.એશિયાનું લીલું સોનું ગ્રીન ગોલ્ડ કહેલ છે.

પાનની જાતમાં પણ ઘણું વૈવિધ્ય છે. પીળાશ પડતું બનારસી, લીલું મગાડી, કેરલનું તિરૃર, ‘કુંલીકોનમ લાઈટ’ તમતમાટ કરે તેવું માયસોર, ઓરિસ્સાનું હિન્જિબિ, ઢાકાનું ખાસ પાન કલકત્તી વગેરે નામોથી જાણીતી જાતો છે.પાનના પ્રકાર મુખવાસ માટેના નાગરવેલના પાનને સંસ્કૃતમાં તાંબૂલ કે નાગવલ્લીના નામે ઓળખવામાં આવે છે. ફારસીમાં એને માટે તંબૂલ કે તમ્બોલ, અંગ્રેજીમાં બિટલ અને ગુજરાતીમાં નાગરવલ્લી, નાગરવેલ, પાનવેલ કે તાંબૂલ જેવા શબ્દો જાણીતા છે. ચહેરેમહોરે રૂપાળી નારીને નાગરવેલ્યની અને શરમાળને લજામણીના છોડની ઉપમા અપાય છે. પાનના પણ આપણે ત્યાં કેટકેટલા પ્રકારો! કપૂરી, બંગલા, મઘઇ, માંગરોળી, મદ્રાસી. એવલી, મલબારી, ચોરવાડી, બનારસી બંગલા, કલકત્તી, અંબાડી, કરિયેલ. દરેકનો સ્વાદ અને બાંધણી જુદાજુદા જોવા મળે છે. લખનૌના નવાબોમાં પાન પ્રથાએ ઉંચાઈ પ્રાપ્ત કરી હતી.

પાન બીડું નાગરવેલના પાનમાં ચૂનો, કાથો, સોપારી, કેસર, એલચી, કસ્તૂરી, જાયફળ, લવિંગ, ચણકબાબ, કપૂરનો ઉપયોગ કરવામાં આવતો. આ બધા સુગંધી પદાર્થોને કારણે પાન કફ વાયુને મટાડનાર, દીપન, પાચક, જંતુઘ્ન અને મોંને સુવાસિત કરનાર બની રહેતું. તંબાકુ સહિત નાગર વેલ પાનમાં નંખાતા અનેક રસાયણો કેન્સરકારક છે જે પાન બિડામાં વાપરવા ન જોઈએ.

વૈજ્ઞાનિક સંશોધન નેશનલ બોટેનીકલ રીસર્ચ ઇન્સ્ટિટયૂટ, લખનૌ અને સેન્ટ્રલ ડ્રગ રીસર્ચ ઇન્સ્ટિટયૂટના વૈજ્ઞાાાનિકો નિખિલકુમાર અને અન્યોએ પાનના અનેક ફાયદાકારક ગુણોની યાદી આપી છે.પાન દ્વારા દવાને પ્હોંચાડવાનું સરળ પડે છે. લાળમાં એવા પ્રોટીન હોય છે જે મુખમાં બેક્ટેરિયાની વૃદ્ધિનો સામનો કરે છે. તેના કારણે દાંત પર જે છારી બાજવી ક્રિયાને ઘટાડે છે. રસાયણો હોય છે જે તે હૃદયના ધબકારાનું નિયમન કરે છે અને રક્ત વાહિનીઓને વિરામ આપે છે. પાનમાં જે પોલીફીનોલ રસાયણો હોય છે તે માત્ર સુક્ષ્‍મજીવો સામે લડત આપીને રોગો સામે રક્ષણ આપવાનું કામ કરવા ઉપરાંત પીડાશામક અને શોથ વિરોધી ઘટક તરીકે પણ કામ આપે છે. ભારતના લોકોને તો પાનનો અલ્સર (ચાંદુ) વિરોધી ગુણ અને ઘાની રૃઝ લાવવાનો ગુણ આયુર્વેદના દિવસોથી માલૂમ છે કેટલાક પ્રાણીઓ પર પ્રયોગો કરીને પાનના અર્કનો આ ગુણ સાબિત કરી શકાયો છે. પાન ખાવાથી કેન્સર થવાનું જોખમ છે તેમાં તથ્ય નથી તેવું મુંબઇના કેન્સર ઇન્સ્ટિટયૂટના ડૉ. ભીડેના સંશોધનથી સાબિત થયેલ છે.

પાન પાંદડા વિટામિન સી, થિયામીન, નિઆસિન, રિબોફ્લેવિન અને કેરોટીન જેવા વિટામિન્સથી ભરેલૂ છે અને તેને કેલ્શિયમનું મુખ્ય સ્રોત માનવામાં આવે છે.એન્ટીસેફ્ટીક નાગરવેલનું પાન એક એન્ટીસેપ્ટિક હોય છે. નાના મોટા ઘા, સ્ક્રેચિસ અથવા મચકોડ આવવા પર પણ આ પાન લગાવવાથી ફાયદો થાય છે.પાનમાં હાજર એનલજેક ગુણધર્મો માથાનો દુ:ખાવો દૂર કરે છે. પાનનાં સેવનથી તેમાં હાજર એન્ટિસેપ્ટિક ગુણધર્મો ઈજા પછી પડેલા ઘાને પણ સાજા કરવામાં મદદ કરે છે.

શ્વાસ  મુખ નાગર વેલનું પાનથી તમારો શ્વાસ સ્વચ્છ અને મુખ ચોખ્ખું થાય છે. તેનું કારણ પાનમાં રહેલ મંદ ચેપવિરોધી ઘટક છે. વળી પાનમાંના રસાયણો લોહીમાં સીધે સીધા મુખ શ્લેષ્મિકા મારફતે ભળે છે.નાગરવેલના પાનમાં એવા તત્વો હોય છે, જે બેક્ટેરિયાના પ્રભાવને ઓછો કરવામાં મદદરૂપ બને છે. જે લોકોને મોઢાની દુર્ગંધ આવતી હોય તેમના માટે આ પાન ફાયદાકારક છે. પાન ખાનારની લાળમાં એસ્કોર્બિક એસિડનું સ્તર સામાન્ય બની જાય છે, જેનાથી મોઢામાંથી દુર્ગંધ સંબંધીત બીમારીઓનો ખતરો ઓછો થઈ જાય છે.મોઢાના કેન્સરથી બચાવ પાનના પત્તાને ચાવવાથી મોઢાનુ કેસરથી બચી શકાય છે. પાનના પાંદડામાં રહેલા એબ્સકોર્બીક એસીડ અને બીજા ઓક્સીડેંટ મોઢામાં જળવાઈ રહેવાથી નુકશાનકારક કેન્સર ફેલાવવા વાળા તત્વો નો નાશ કરે છે.

માઉથ ફ્રેશનર નાગરવેલના પાનનો આમ તો માઉથ ફ્રેશનરની જેમ ઉપયોગ કરવામાં આવે છે. પાનના પત્તામાં એવા અનેક યૌગિક હોય છે જે શ્વાસની દુર્ગંધને ખતમ કરે છે. આ ઉપરાંત પાનમાં લવિંગ, વરિયાળી ઈલાયચી જેવા વિવિધ મસાલા મળવાથી આ એક સારુ માઉથ ફ્રેશનર પણ બની જાય છે મોઢામા ચાંદા કથો લગવી દિવસમા બે થી ત્રણ વાર ખાવાથી ચાંદામા રાહત થાય છે.મોઢામાં છાલામોઢામાં છાલા થય તો પાનને ચાવો અને ત્યાર પછી પાણીથી કોગળા કરી લો. આવું દિવસમાં 2 વખત કરો. રાહત મળશે તમે ધારો તો વધુ કાથો લગાવીને પાન ખાઈ શકો છો.ગળાનો દુઃખાવો ગળામાં દુખાવો થતો હોય તો પાન ખાવાથી અથવા તેનું પાણી પીવાથી ફાયદો થાય છે.

શ્વાસની નળી પર સોજો શ્વાસની નળી પર સોજો આવી જતો હોય તો નાગરવેલના 7 પાનને 2 કપ પાણીમાં ખાંડ નાખીને ઉકાળો.જ્યારે પાણી અડધુ થઈ જાય તે બાદ 3-4 વખત આ પાણી પીવાથી ફાયદો થાય છે પેઢામાં લોહી 2 કપ પાણીમાં 4 પાનના પાંદડા નાખીને ઉકાળી લો. તે પાણીથી કોગળા કરો. પેઢામાંથી લોહી આવવાનું બંધ થઇ જશે.સેક્સ પાવર પાનને સેક્સનુ સિંબોલ પણ માનવામાં આવે છે. સેક્સ સંબંધ પહેલા ખાવાથી આ ક્રિયાનુ વધુ સુખ લઈ શકય છે. તેથી નવા જોડાને પાન ખવડાવવાની પરંપરા ખૂબ જુની છે. તેથી તેને ખાવા માટે આપવામાં આવે છે.

લોહી મસૂઢોમાં ગાંઠ, સૂજન કે પછી લોહી નીકળી રહ્યો છે તો તે માટે પાનના પત્તાને પાણીમાં ઉકાળીને તેને મેશ કરી લો. તેમણે મસૂઢા પર લગાવવાથી લોહી વહેવુ બંધ થઈ જાય છે મસૂઢામાંથી આવતુ લોહી બંધ કરે મસૂઢામાંથી લોહી આવે છે તો બે કપ પાણીમાં 8-9 પાન ઉકાળી લો. આ પાણીથી કોગળા કરો. આવુ થોડા દિવસો કરશો તો લોહી આવતુ બંધ થઈ જશે. આ ઉપરાંત મોઢામાંથી આવતી દુર્ગંધ દૂર કરવાનો પણ આ સારો ઉપાય છે.

ગૈસ્ટ્રિક અલ્સર પાનના પત્તાનો રસને ગૈસ્ટ્રોપ્રોટેક્ટિવ ગતિવિધિ માટે પણ ઓળખવામાં આવે છે. જેનાથી ગૈસ્ટ્રિક અલ્સરને રોકવામાં મદદ મળે છે કબજીયાત મસાનો ઉપચાર પાનના પત્તાથી કબજિયાત દૂર થાય છે. પાનની દંડીને દિવેલમાં તેલમાં ભેળવીને ખાવાથી કબજિયાથી રાહત મેળવી શકાય છે. આ ઉપરાંત પાનના પત્તા સાથે ફ્લૈક્સીડ, ત્રિફળા અને લીંબુનુ સેવન કરવાથી પણ કબજિયાતની સારવાર કરી શકાય છે.કબજિયાત વખતે પાનના પાંદડા અને એરંડીનું તેલ લગાવીને ચાવવાથી કબજિયાતમાં રાહત મળે છે મસાને સંપૂર્ણ રીતે સુધારી શકાય છે વાળ તોડમાં મદદરૂપ પાનનો ઉપયોગ આયુર્વેદમાં બાલ તોડ, ગુમડા ફોલ્લીની સારવાર માટે થાય છે. પાનને ગરમ કરીને તેમા દિવેલનુ તેલ લગાવીને ફોલ્લા પર લગાવવાથી આરામ મળે છે.

ડાયાબિટીસ પાન પર અભ્યાસ બતાવે છે કે તેમા ડાયાબીટિસ વિરોધી ગુણ હોય છે અને આ તેની સારવારમાં મદદ કરે છે.કફની સમસ્યા છે તો પાન ના પતાનું પાણી પીવો. આસરે ૧૫ થિ ૧૬ પાન ને પાણીમાં ઉકાળીલો. આસરે ૪ ગ્લાસ જેટલું પાણી લો. પાણી ને એટલું ઉકાળો કે અડ્ધું રહે. આ પાણીનું સેવન કરવાથી કફથી છુટકારો મળે છે 4 ગ્લાસ પાણીમાં 16 પાનના પત્તા નાખો. પાણીને ઓછામાં ઓછુ અડધો કલાક સુધી ઉકાળો. અને પછી થોડુ ઠંડુ થાય ત્યારે આ પાણીનું સેવન કરશો તો કફની સમસ્યાથી છૂટકારો મળી જશે.ખાંસી દૂર કરે પાનના પત્તામાં મઘ લગાવીને ખાવાથી ખાંસીમાં આરામ મળે છે. આ ઉપરાંત તેનાથી છાતીમાં કફ દૂર કરી શકાય છે. પાનના 15 પાંદડા ને 3 ગ્લાસ પાણીમાં નાખો. ત્યાર પછી તેને ત્યાં સુધી ઉકાળો જ્યાં સુધી પાણી ઉકળીને 1/3 ભાગનું રહી જાય. તેને દિવસમાં 3 વખત પીવો.

માથાનો દુખાવો પાનના પત્તાની એનાલ્જેસિક અને ઠંડી વિશેષતાઓને કારણે ઉપરથી લગાવવાથી આ તીવ્ર માથાના દુ:ખાવાથી રાહત અપાવવામાં મદદરૂપ છે. પાનનો લેપ લમણા પાસે લગાવવાથી માથાનો દુ:ખાવો મટે છે. પાન મા રહેલ એનાલજેસિક તત્વ માથાના દુ:ખાવામા આરામ અપાવે છે. પાનમાં રહેલા એનાલજેસિક દર્દ દૂર કરનારો ગુણ માથાના દુ:ખાવામાં આરામ આપે છે.ઘા ભરવામાં મદદરૂપ પત્તાનો રસ વાટીને ઘા પર લગાવવામાં અવે અને પાનના પત્તુ મુકીને પટ્ટી બાંધવામાં આવે તો ઘા 2-3 દિવસમાં સારો થઈ જાય છે. તેમા અનેક પ્રકારના એન્ટિસેપ્ટીક ગુણો રહેલા છે.

મહિલાને દૂધ લાવવા બાળકોને દૂધ ધવડાવવાની સમસ્યા હોઇ તો એ પણ દુર કરી શકાય. પાનના પતાને નાળીયેરનું તેલ લગાવી થોડું ગરમ કરો. પાનના પત્તાને સ્તનની આસપાસ મુકો. સોજો દૂર થઈ જશે અને સ્તનપાન કરાવવામાં સમસ્યા નહીં આવે. સુવાવડી સ્‍ત્રીને ક્યારેક ધાવણનો વેગ ચડી જતાં, કોઈ વાર સ્‍તનને સોજો આવે છે અને વેદના થાય છે. તેના પર નાગરવેલનું પાન ગરમ કરી બાંધવાથી એકઠું થયેલું ધાવણ છૂટું પડી જાય છે અને સોજો ઊતરી જાય છે ને પીડા મટે છે.

થાક કે નબળાઇ પાનના પતાના રસમા મધ બેળવીને પીવાથી થાક અને નબળાઇ દુર થાય છે . સાથે જો તાવ હોઇ તો એક લવીંગ નાખી ખાવાથી રાહત થશે.પાતળા થવા પાનમાં કાળા મરીના બે દણાં નાખી ખાવ તો આઠ અઠવાડીયામ વજનમા ઘટાડો થાય છે. કાળા મરી શરીરમાથી મુત્ર અને પરસેવો બહાર કાઢે છે. તેના વાટે વધરાનું પાણી અને ગંદ્કી નિકડી જાય છે.

નસકોરી ફુટવી ઉનાળાના દિવસો મા નાક માથી લોહી આવે ત્યારે પાનના પત્તાને વાટી ને સુંઘો, તેનાથી જલ્દી રાહત થશે.પાચનમાં સુધારચાવવાથી લાભકારે હોઈ શકે છે. જ્યારે તેને ચાવીને ખાઈએ છીએ ત્યારે લાર ગ્રંથિ પર અસર પડે છે. જેનાથી સલાઈવ (saliva) લાર બનવામાં મદદ મળે છે. જે આપણા પાચન તંત્ર માટે ખૂબ જરૂરી છે. જો તમે ભારે ખોરાક પણ ખાધો છે તો ત્યારબાદ તમે પાન ખાઈ લો. તેનાથી ભોજન સહેલાઈથી પચી જશે.

ખીલને દૂર કરો નાગરવેલનું પાન ખીલ પણ દૂર કરે છે. આ માટે સૌ પ્રથમ પાનને વાટી લો અને પાણીમાં મિક્સ કરી તેને બરાબર ઉકાળો. ત્યારબાદ ઘટ્ટ મિશ્રણને ફેસપેકની જેમ લગાવો. 20 મિનીટ રાખ્યા પછી તમારો ફેસ ધોઇ લો.શરીરમાંથી દુર્ગંધ દૂર કરે શરીરમાંથી દુર્ગંધ વધારે પ્રમાણમાં આવતી હોય તો પાનના પત્તા નાખીને ઉકાળેલું પાણી પીવો. થોડા જ દિવસોમાં બોડી ઓર્ડરની સમસ્યામાંથી છુટકારો મળી જશે.

બળતરા ઓછી કરેદાઝ્યા પછી થતી બળતરાને દૂર કરવા પાનને વાટીને લેપ બનાવીને લગાવો, અને 20-25 મિનિટ પછી ધોઈ નાખો. ત્યારબાદ ઉપરથી મઘ લગાવો. બળતરા શાંત થઈ જશે.વાગવા પરવાગવા પર પાનનું સેવન કરવાથી ઘાને ભરવામાં મદદરૂપ બને છે. પાનના પાંદડાને વાટીને દાઝેલી જગ્યા ઉપર લગાવવાથી ઘા સારો થશે. પેસ્ટને ધોઈ દો અને ત્યાં મધ લગાવો.બ્રોકાઈટીસ 7 પાંદડા ને 2 કપ પાણીમાં રોક શુગર સાથે ઉકાળો. જયારે પાણી એક ગ્લાસ રહે તો તેને દિવસમાં ત્રણ વખત પીવો. બ્રોકઈટીસમાં લાભ થશે.આંખો પર 5-6 નાના પાનના પાંદડા અને તેને એક ગ્લાસ પાણીમાં ઉકાળો તે પાણીથી બળતરા કે લાલ આંખો ઉપર છંટકાવ કરવાથી આંખોને ઘણો આરામ મળશે.

ખંજવાળ ૨૦ પાંદડા ને પાણીમાં ઉકાળો. સારી રીતે ઉકાળ્યા પછી તે પાણી થી નાહી લો. ખંજવાળની તકલીફ દુર થઇ જશે.મોટાપો
વજન ઓછું કરવા પાનના પાંદડા ચાવવા ખુબ ફાયદાકારક હોય છે, પાનના સેવન શરીરનું મેટાબોલીજ્મ આશ્ચર્યજનક રીતે વધે છે. જેનાથી વજન ઓછું કરવામાં મદદ મળે છે ,તેના સેવનથી શરીરમાં આંતરિક વસા પણ નષ્ટ થાય છે.દાંતમાં જનજનાટી થતી હો, તો પાન માટે ફાયદાકારક છે. પાનમાં મધ મિશ્રણ કરીને અને પછી તેનું સેવન કરશો તો ચોક્કસ તમને જનજનાટીથી છુટકારો મેળશે.

મગજજ્યારે મગજમાં સોજો અથવા ગાંઠ હોય ત્યારે પણ પાન ખાવાથી તે પીડા દૂર થાય છે. પાનમાં એન્ટીઑકિસડન્ટ અને એન્ટી ઇન્ફ્લેમેટરી સંયોજનો હાજર હોય છે. જે દુ:ખાવો દૂર કરવામાં મદદ કરે છે ઘીને લાંબો સમય રાખવા ઘીની બરણીમાં નાગરવેલનું પાન મૂકવાથી ઘી લાંબા સમય સુધી બગડતું નથી પૂજા દરમિયાન પાન નો કઈ રીતે કરવો ઉપયોગ ધાર્મિક વીધીમાં ઉપયોગ
નાગરપવેલના પાનને ખૂબ શુભ પણ માનવામા આવે છે. કોઈપણ શુભ કામ હોય અથવા તો પૂજા પાઠ હોય તો તે સમયે પાનનો ઉપયોગ અચૂક થાય છે. અને સ્કંદ પુરાણ અનુસાર સમુદ્ર મંથન સમયે દેવતાઓએ પાનના પત્તાનો ઉપયોગ કર્યો હતો.

હિન્દુ ધર્મની અંદર કોઈપણ કાર્યની શરૂઆત કરતા પહેલા ભગવાન ગણપતિની સ્તુતિ કરવામાં આવે છે, અને ભગવાન ગણપતિની પૂજા અર્ચના કરવા માટે હંમેશાં એ માટે નાગરવેલના પાનનો ઉપયોગ કરવો જોઈએ. આવું કરતી વખતે નાગરવેલના પાન ઉપર કેસર રાખી અને ત્યારબાદ તેના ઉપર ભગવાન ગણપતિજીની પ્રતિમાનું સ્થાપન કરાય છે. આમ કરવાથી તમારું કાર્ય પૂર્ણ થાય છે.પૂજામાં ઉપયોગ કરાતા પાનમાં હંમેશાને માટે એક બાબતનું ધ્યાન રાખવું કે તે પાન કોઈપણ જગ્યાએથી ખંડિત ન હોવું જોઈએ, જો પાનની અંદર કોઈપણ જગ્યાએ હોલ હોય અથવા તો કોઈ પણ જગ્યાએથી સડો પડી ગયો હોય તો તેવા પાનનો પૂજા કરવા માટે ઉપયોગ ન કરવો જોઈએ.જે વ્યક્તિને નજરદોષ અથવા તો કોઈ પણ વ્યક્તિની ખરાબ નજર હોય તો તેવા વ્યક્તિઓએ નાગરવેલનાં પાનની અંદર ગુલાબની સાત પાંખડીઓને રાખી અને ખવડાવવાથી કોઈપણ વ્યક્તિને ખરાબ નજર માંથી છુટકારો મળે છે.ઘરના મુખ્ય દરવાજાની બાજુમાં હંમેશાને માટે નાગરવેલનું પાન રાખવું ખૂબ જ શુભ માનવામાં આવે છે, અને આમ કરવાથી ઘરની અંદર નકારાત્મક ઉર્જાઓ પ્રવેશતી નથી અને ઘરમાં કાયમી માટે સકારાત્મક ઉર્જાનો વાસ થાય છે.

પૂજામાં પાન નો ઉપયોગ કરતી વખતે રાખો આ બાબતોનું ધ્યાન, થઈ જશો માલામાલ સામાન્ય રીતે માણસો ભગવાનની સામે ત્યારે જ હાથ જોડતા હોય છે કે જ્યારે તે કોઈ પણ સંકટ ની અંદર હોય. મોટાભાગના લોકો પોતાના ઘરમાં રહેલી ગરીબીને દૂર કરવા માટે ભગવાન સામે પ્રાર્થના કરતા હોય છે, અને તેના માટે પૂજા અર્ચના કરતા હોય છે. ઘણા લોકો ની પૂજા સફળ થતી હોય છે, અને આથી જ તે કાયમી માટે ગરીબી માંથી મુક્તિ મેળવી શકતા હોય છે. હિન્દુ ધર્મની અંદર અનેક એવા પૂજાપાઠ વિશે કહેવામાં આવ્યું છે કે જેના દ્વારા તમે પણધનવાન બની શકો છો.પરંતુ સામાન્ય રીતે પૂજા કરતી વખતે હંમેશાંને માટે અમુક બાબતોનું ધ્યાન રાખવું જોઇએ. આપણે દરેક લોકો જાણીએ છીએ કે કોઈ પણ પ્રકારની પૂજા કરતી વખતે હંમેશાં ને માટે તેની અંદર નાગરવેલના પાનનો ઉપયોગ કરવામાં આવે છે.પ્રત્યેક નાગરના ઘરમાં પાંચ વસ્તુ અવશ્ય જોવા મળતી. ૧. પાટિયું – હીંચકો ૨. પાટલો – ભોજન અને પૂજા માટે. ૩.પીતાંબર રેશમી વસ્ત્ર ૪. પારણું અને ૫. પાન – અર્થાત્ પાનપેટી – જેમાં કાથો ચૂનો સૂડી ને સોપારી હોય. નાગરો પાન જાતે બનાવીને ખાત. અને મહેમાનોને મોજથી ખવરાવતા. નાગરવેલના પાન અને નાગરોનો સંબંધ આ રીતે જોડાયેલો છે. આજે આ પાનની પંચાત માંડવી છે.

ભગવત ગો મંડલ ભગવત ગોમંડલમાં પાનના ૨૨ અર્થો આપ્યાં છે. પાન એટલે દાર બનાવનાર અને વેચનાર કલાલ, પગરખાની એડી પાછળ નંખાતો રંગીન ચામડાનો કટકો, હાથ, નદીમાં થતું ઘાસ, પગની પાની, ગંજીફાના ચાર માંહેનો એક પ્રકાર. પાન આકારનું ઘરેણાંમાં નંખાતું ચગદુ, નહેર, વેગ, પ્રાણ, બ્રહ્મા અને નાગરવેલનું પાન. આ પાન ઉપરથી બનેલા શબ્દો પણ એટલા જ રસપ્રદ છે.પાનનો પ્રયોગ અત્યાર સુધી તમારા ખાવા માટે થાય છે પાનના પાંદડાનો વપરાશ પોતાની સુંદરતા માટે પણ કરવામાં આવી શકે છે. જીં હાં પાનને ખાવાથી પાચન શક્તિ પણ વધે છે અને હવે તમે પાનથી પોતાની બ્યૂટીને પણ મેન્ટેન રાખી શકો છો.

વ્રતમાં પણ ખાઈ શકો છો લજીજ ભોજન ગરમીઓમાં એક વાત કોમન હોય છે પરસેવો અને તેના કારણે થતી શરીરીની દુર્ગંધ. જો તમે તેનાથી છૂટકારો મેળવવા માગો છો તો, નાહવાના પાણીમાં પાનના પત્તાને તેલમાં મિક્સ કરી લો, જેથી તમને આ સમસ્યાથી છુટકારો મળી જશે.પાનના પાંદડાને કાનના અસહ્ય દર્દમાં પણ કારગાર છે. બસ પાનના પાંદડાના તેલને નારિયેળના તેલમાં મિક્સ કરી તેના બે ટીપાને કાનમાં નાખવાથી આરામ મળશે.જો તમને અમારો લેખ પસંદ આવ્યો હોય તો તેને લાઈક કરી અન્ય મિત્રો સાથે શૅર કરો અને તમારો અભિપ્રાય અમને જણાવો ધન્યવાદ