કિસિંગ કિંગ ઈમરાન હાશમીન કરવાં માંગે આ નોજવાન અભિનેત્રી સાથે બોલ્ડ શીન…….

0
409

નમસ્તે મિત્રો અમારા આ લેખમાં આપ સૌનું સ્વાગત છે અને આજે તમને જાણવા મળશે કે સીરીયલ કિસસેર ઇમરાન હસમી કેમ સૈફ ની પુત્રી જોડે રોમાન્સ કરવા માંગે છે તો ચાલો વાહલા મિત્રો જાણીએ.બોલિવૂડનો કિસર કિંગ એટલે કે ઇમરાન હાશ્મી પ્રખ્યાત અભિનેતા સારા અલી ખાન સાથે ફિલ્મ કરવા માંગે છે.  ઇમરાન તેની દરેક ફિલ્મમાં બોલ્ડ સીન્સ આપે છે.  તેમની ફિલ્મ ચુંબન કર્યા વગર અધૂરી રહે છે.  ઇમરાન હાશ્મીએ તેની કારકિર્દીમાં ઘણી હિટ ફિલ્મો આપી છે.  ‘મર્ડર’ સુપરહિટ બનતાં ઈમરાનની કારકીર્દિએ એક અલગ ઉંચાઇ સુધી પોહચી ગયા છે.  તો ચાલો જાણીએ ઇમરાન હાશ્મીના જીવન સાથે જોડાયેલી કેટલીક વિશેષ બાબતો.

એક ઈન્ટરવ્યૂ દરમિયાન ઇમરાન હાશ્મીએ કહ્યું હતું કે તે આ યુગની અભિનેત્રી સારા અલી ખાન સાથે કામ કરવા માંગે છે.  તેણે કહ્યું કે તેણે હજી સારાની બધી ફિલ્મો જોઇ નથી, પરંતુ તેના મિત્ર અને પરિવારે સારાની ફિલ્મો જોઈને તેમના કામની ખૂબ પ્રશંસા કરી છે.  તેથી જ હું ભવિષ્યમાં તેની સાથે કામ કરવા માંગુ છું. ”

ઉત્તર પ્રદેશના કન્નૌજમાં જન્મેલા ઇમરાન હાશ્મીએ ફિલ્મની કારકીર્દિની શરૂઆત ફિલ્મ “ફૂટપાથ” થી કરી હતી.  પરંતુ તેમની ફિલ્મ સ્ક્રીન પર નિષ્ફળતા હતી.  ઈમરાનનો તેના મામા મહેશ ભટ્ટ અને મુકેશ ભટ્ટ સાથે ઇન્ડસ્ટ્રીમાં મોટો હાથ છે.  ખરેખર, મહેશ અને મુકેશ ભટ્ટની બહેનના લગ્ન સૈયદ અનવર હાશ્મી સાથે થયા અને તેનું નામ બદલીને ફરહાન હાશ્મી રાખ્યું.

ઇમરાને તેની કારકિર્દીમાં ઘણી મોટી સુપરહિટ ફિલ્મો આપી હતી સાથે તેની ઘણી ફિલ્મો પણ ફ્લોપ રહી છે.  પરંતુ આ ફિલ્મ ફ્લોપ રહી હશે પરંતુ તેમના ગીતો હિટ રહ્યા છે.  તેમના જીવનમાં, તેણે સ્ક્રીન પર ઘણી અભિનેત્રીઓ સાથે ખુલ્લેઆમ રોમાંસ કર્યો છે.  આ જ કારણ છે કે ઇમરાનને સીરિયલ કિસર તરીકે પણ ઓળખવામાં આવે છે.

બોલિવૂડ અભિનેતા ઇમરાન હાશ્મીની આગામી ફિલ્મ ‘હરામી’નું પોસ્ટર રિલીઝ થઈ ગયું છે. અભિનેતાએ તેના ટ્વીટર એકાઉન્ટ પર ફિલ્મનું પહેલું પોસ્ટર રિલીઝ કર્યું છે, તેણે કેપ્શનમાં લખ્યું છે કે, ‘હરામી ફર્સ્ટ લૂક’. આ પોસ્ટરમાં ઇમરાન હાશ્મી એટલો બદલાયેલો લાગે છે કે, એક સેકન્ડ માટે તો તમે તેને ઓળખી પણ શકશો નહીં.

લાંબા વાળ, વધારેલી દાઢી, આંખો પર ચશ્મા, ગળામાં સોનાની ચેઇન અને બારીની બહાર કોઈક તરફ મંડાયેલી નજરો. આ પોસ્ટરમાં ઈમરાન જેવો લાગે છે તેવો તમે તેને પહેલાં ક્યારેય નહીં જોયો હોય. આ ફિલ્મનું વર્લ્ડ પ્રીમિયર 25મી ઓક્ટોબરે સાઉથ કોરિયામાં બુસાન આંતરરાષ્ટ્રીય ફિલ્મ ફેસ્ટિવલમાં રજૂ થશે. આ ફિલ્મના ડિરેક્ટર શ્યામ મદીરાજુ છે.

હરામી’ એ એક એવા પાત્રની વાર્તા છે જે મુંબઇની લોકલ ટ્રેનમાં ભટકતો હોય છે અને કોઈક ગેંગ માટે કામ કરે છે, પરંતુ વાર્તામાં વળાંક ત્યારે આવે છે જ્યારે કોઈ સ્ત્રી આત્મહત્યા કરવાની હોય છે અને ત્યારબાદ આખી વાર્તા બદલાઈ જાય છે. ફિલ્મની બાકીની સ્ટાર કાસ્ટ વિશે હજી સુધી કોઈ માહિતી સામે આવી નથી. ઇમરાન હાશ્મી સાથે કઈ અભિનેત્રી હશે તે પણ જાહેર કરવામાં આવ્યું નથી.

હરામી’ સિવાય ઇમરાન હાશ્મી વધુ બે ફિલ્મ ‘મુંબઈ સાગા’ અને ‘ચેહરે’માં જોવા મળશે. ‘મુંબઈ સાગા’માં તેની સાથે જ્હોન અબ્રાહમ જોવા મળશે. જ્યારે ‘ચેહરે’માં ઇમરાનની સાથે અમિતાભ બચ્ચન નજરે પડશે.
બોલિવૂડ એક્ટર ઇમરાન હાશમીના ચાર વર્ષના નાનકડા દીકરા આયાને એક દિવસ દોડતા આવીને ખૂબ ઉત્સાહ સાથે પપ્પાને કહ્યું, ‘પપ્પા પપ્પા, મારો પેશાબ લાલઘૂમ છે… બધા કરતાં તદ્દન જુદો !’ કોઈ અચંબો જોયો હોય એવા આશ્ચર્યથી નાનકડા આયાનની આંખો પહોળી થઈ ગઈ હતી. પરંતુ બાળક આયાનની વાત સાંભળતાંની સાથે તેનો પિતા ઇમરાન હેબતાઈ ગયો. તેણે બાળક માટે તાબડતોડ ચેકઅપની વ્યવસ્થા કરી. મેડિકલ તપાસના અંતે ફાઈનલ રિપોર્ટ આવ્યો, નાનકડા આયાનને કેન્સર હતું ! ઇમરાન તથા તેની પત્ની પરવીન આ સમાચાર સાંભળીને દિગ્મૂઢ બની ગયાં. પોતાના એકમાત્ર નાનકડા દીકરાને આવો ભયંકર રોગ! ઇમરાને તેના દાદા તથા તેના પિતા બંનેને આ રોગનો શિકાર બની દુનિયાને અલવિદા કહેતા જોયા હતા.

જાન્યુઆરી, 2014માં બાળક આયાનને થયેલ કેન્સરનું નિદાન થયેલું. ત્યારબાદના દોઢ-બે વર્ષનો સમય આયાન તથા તેના માતા-પિતા માટે અત્યંત કારમો હતો. પ્રાથમિક તપાસ બાદ ઇમરાન તથા તેના પરિવારે બાળકને કેનેડાના ટોરેન્ટો નગરના ‘સીક ચાઈલ્ડ’ હોસ્પિટલમાં સારવાર માટે લઈ જવાનો નિર્ણય કર્યો. બાળક આયાન, પિતા ઇમરાન તથા માતા પરવીન ત્રણેય જણ કેન્સરના ઉપચાર માટે કેનેડા પહોંચી ગયા અને ત્યાં આયાનનો ઇલાજ ચાલુ થયો. આ દોઢેક વર્ષના અત્યંત કારમા સમયની આપવીતી ઇમરાન હાશમી બિલાલ સિદ્દીકીના સહયોગથી લખેલ,  2016માં પ્રકાશિત પુસ્તક ‘કિસ ઓફ લાઈફ’માં કરે છે. પુસ્તક લખવા પાછળનો હાશમીનો હેતુ કેન્સર નામના જીવલેણ રોગના દર્દીઓમાં હિંમત પૂરવાનો તથા કેન્સરનો ઉપચાર શક્ય છે તેવી સભાનતા ફેલાવવાનો છે.

‘કિસ ઓફ લાઈફ’ની પ્રસ્તાવનામાં ઇમરાન હાશમી લખે છે, ‘કેન્સરથી કોણ નથી બીતું? હું તો તેને ‘બિગ સી’ થકી જ ઓળખું છું. કોઈને આ રોગ ન થજો. કેન્સર એટલે એવું વાદળ કે જે મનુષ્યજીવન પર ઘેરાય પછી ક્યારેય જીવનના આકાશને તદ્દન સાફ થવા દેતું જ નથી. મારા પિતા અને દાદાને મેં કેન્સરના કારણે ગુમાવ્યા હતા અને તેમ છતાં કેન્સર પ્રત્યેની મારી સભાનતા સાવ નહિવત હતી, તેમ કહું તો અતિશયોક્તિ નથી. મારા એકના એક દીકરાને થયેલ કેન્સરે મને આ રોગની ભયાવહતા તથા તેના ઉપચાર તથા રોગમાંથી બહાર આવવાની સંભાવના વિશે અને અન્ય કેન્સરગ્રસ્ત લોકોના સંઘર્ષ પ્રત્યે જાગ્રત કર્યો.

તેથી તે લોકોને મારા અનુભવનો નિચોડ પહોંચાડવાનું મારું કર્તવ્ય છે તેમ મને લાગ્યું. કેન્સર વિરુદ્ધની અમારા ત્રણની લડતમાંથી હું બે પાઠ શીખ્યો, 1. તમારા શરીરને બરાબર સમજો તથા તેમાં થતા સૂક્ષ્મતમ પરિવર્તન પર સમયસર ધ્યાન આપો. 2. મનુષ્યદેહની નશ્વરતાને સ્વીકારતા શીખો અને ભૂત કે ભવિષ્યની ચિંતા કરવાને બદલે જે ક્ષણ હાથમાં છે તેને બરાબર જીવી લો… વિશ્વનો કેન્સરગ્રસ્ત દરેકેદરેક દર્દી મારે મન હીરોથી કમ નથી. કેન્સરનો મુકાબલો કરી રહેલ આવા દર્દીઓ તથા તેમના પરિવારોને મારા સલામ.’

કિસ ઓફ લાઈફ ’ પુસ્તક ચાર વર્ષના નાના બાળકે કરેલ કેન્સરના મુકાબલાનું તાદૃશ આલેખન છે. સમગ્ર પુસ્તક નાટકીય ઢબે લખાયું છે. જેમ કે, પુસ્તકનો પ્રારંભ અત્યંત નાટ્યાત્મકપણે થાય છે.‘હલો, કોણ?’ સામેથી ફોન પર આયાનનો અવાજ સંભળાયો. હું ચેતી ગયો. મારે યાદ રાખવાનું હતું કે આયાન ભલે નાનો હોય પણ તે હોશિયાર છે. તેને બેટમેન બનીને છેતરવો કોઈ આસાન કામ નથી. બેટમેનના ભારે સ્વરમાં મેં ફોન પર જવાબ આપ્યો, ‘હું બેટમેન. શું આયાન બોલી રહ્યો છે?’ ક્ષણાર્ધ માટે સ્તબ્ધતા છવાઈ ગઈ. આયાનને પોતાને અતિપ્રિય એવા પાત્ર બેટમેનનો અવાજ સાંભળીને કેવું આશ્ચર્ય થયું હશે તે હું કલ્પી શક્યો. આશ્ચર્યથી તેની આંખો પહોળી થતી હું કલ્પી શક્યો.

રોમાંચભર્યા અવાજે આયાન બોલ્યો, ‘સાચે જ તમે બેટમેન બોલો છો ? કેમ છો તમે?’ ‘હા, હું બેટમેન, હું તો મજામાં છું. તારા પપ્પાએ મને જણાવ્યું કે તું મોટી લડાઈ લડી રહ્યો છે… શું તારે મારા જેવો સુપરહીરો બનવું છે ?’ ‘હા, હા, ચોક્કસ.’ બાળકે જવાબ આપ્યો. ‘તો મને ધ્યાનથી સાંભળ. તને થોડો વખત લાગશે પણ તું મારા કરતાંય વધુ શક્તિમાન બની શકે તેમ છે. તું હિંમત રાખજે. તું ‘આયાન મેન’ બની જઈશ. તને ‘આયરનમેન’ ગમે છે ને ? તો તું ‘આયરનમેન’ બની જઈશ.’ ‘ઓકે. તેના માટે મારે શું કરવાનું ?’ બેટમેનનો ભારે અવાજ, ‘બસ તારે હિંમત રાખવાની.’ અને આ સાથે ફોન પરનો વાર્તાલાપ પૂરો થયો.

આ ફોન બાદ જ્યારે હું આયાનના રૂમમાં પ્રવેશ્યો ત્યારે મેં જોયું કે આયાન ખુશખુશાલ હતો. તે બેટમેનના રમકડા સાથે રમવામાં મશગૂલ હતો. તેનો ઉત્સાહ સમાતો નહોતો. તેણે મને હોંશે હોંશે બેટમેનના ફોનની વાત કરી અને કહ્યું કે, તેના શરીરમાં ઘૂસેલ દુશ્મન સામે બેટમેનના કહ્યા પ્રમાણે તેણે શક્તિમાન થઈને લડવાનું છે.

પિતા ઇમરાન હાશમીએ કલ્પનાથી ઉપજાવી કાઢેલ બેટમેનની નાટ્યાત્મક હાજરીએ બાળક આયાનને દોઢ વર્ષ સુધી ટકાવી રાખ્યો. બેટમેનના હિંમતભર્યા શબ્દો, તેનો ઉત્સાહપ્રેરક સ્વર બાળક માટે જાણે મોટો સહારો બની ગયો. અને દોઢેક વર્ષ જેવો લાંબો સમય ટોરેન્ટો ખાતે વિતાવીને, અગણિત કિમોથેરેપી તથા યોગ્ય ઉપચારને અંતે આયાન રોગમુક્ત બન્યો. માતા-પિતા સાથે તે ભારત પાછો ફર્યો. પણ હવે તે પહેલા જેવો આયાન નહોતો. તેના પર ઘણાબધા પ્રતિબંધો હતા. તેમ છતાં સમજદાર માતા-પિતા તથા પ્રોત્સાહનભર્યા સ્કૂલના વાતાવરણને સહારે આયાન સામાન્ય બાળક બનીને જીવવા પ્રયત્નશીલ છે. હવે તે પોતાની સ્કૂલે યોજેલ વિવિધ પ્રતિસ્પર્ધામાં ઉત્સાહથી ભાગ લઈ રહ્યો છે. આવી જ એક દોડની સ્પર્ધામાં આયાન અનેકવાર પડી ગયો. તેમ છતાંય દર વખતે ઊઠીને દોડી દોડીને તે સા…વ છેલ્લે ક્રમે ગંતવ્ય પર પહોંચી શક્યો. તેના માતા-પિતાને આ જોઈને ખૂબ દુઃખ થયું પરંતુ બાળક આયાનને કોઈ રંજ ન હતો.

છ-સાત વર્ષના બાળક આયાનને કેન્સરે સમજદાર બનાવી દીધો. જ્યારે તેના સાથીદારો રેસમાં પ્રથમ નંબર ન મળવાથી હતોત્સાહ થઈને રડમસ ચહેરે ફરી રહ્યા હતા ત્યારે આયાન પોતાના માતા-પિતાને કહી રહ્યો હતો, ‘હું જીત્યો નહીં, પડી ગયો, મને વાગ્યું – એ બધાથી મને કોઈ ફેર પડતો નથી. મેં રેસમાં ભાગ લીધો, પડીને ઊભા થઈને ફરીથી દોડીને હારવાની હામ ભીડી, તે જ મારે મન ઘણું છે. કેવી મોટી વાત આ નાનકડો છોકરો કહી રહ્યો હતો !

આવા જ એક અન્ય પ્રસંગનો ઉલ્લેખ ઇમરાન પોતાના પુસ્તકમાં કરે છે. સ્કૂલેથી બાળકને ઘરે લાવવા માટે ઇમરાન કાર લઈને સ્કૂલે ગયેલ. રાહ જોતા તે કારથી ઊતરીને ઝાડ નીચેની બેંચ પર બેઠા હતા અને ત્યાં તેમણે પોતાના દીકરાને મિત્રોની ટોળી સાથે આવતો જોયો. પાસે આવ્યો ત્યારે પિતા આ બાળવૃંદની વાત સાંભળી શક્યા. મિત્રો પૂછી રહ્યા હતા, ‘આયાન, તું ઘણા વખતે નિશાળે આવ્યો !’ ‘હા, હું પરદેશમાં હતો. કેનેડામાં.’ ‘તારો દેખાવ પણ બદલાઈ ગયો છે.

શું થયું તને ?’ આયાને સ્પષ્ટ જવાબ આપ્યો, ‘મને કેન્સર થયું હતું. તેની ટ્રીટમેન્ટ માટે હું મારા મમ્મી-પપ્પા સાથે કેનેડા ગયો હતો. ત્યાં મારી સારવાર થઈ. મને ઘણીબધી કિમોથેરેપી તથા રેડિયેશન અપાયા. હવે હું સ્વસ્થ છું.’ બાળકની આ વાત સાંભળીને પિતાની આંખમાં આંસુ આવી ગયા. આટલા સમયથી બેટમેનની ફેન્ટસીથી પુત્રને બહેલાવતા માતા-પિતા એમ જ માનતા હતા કે દીકરો પોતાના રોગ વિશે તદ્દન અજાણ હતો. પણ આ છોકરું તો સત્ય જાણતું હતું ! તેને બધી ખબર હતી અને તોય માતા-પિતાનું મન રાખવા માટે જાણી જોઈને તે બેટમેન બેટમેન રમી રહ્યું હતું !

આવા જીવલેણ રોગો જ્યારે જીવનમાં આવે છે ત્યારે પોતાની સાથે અકલ્પ્ય હિંમત પણ લેતા આવતા હોય છે. બાળક આયાને કેન્સરને આપેલ બહાદુરીથી ભરપૂર લડતની વાત તેના પિતા ‘કિસ ઓફ લાઈફ’માં કરે છે. આ પુસ્તકનો હેતુ વિશ્વભરના કેન્સર દર્દીના મનમાં આશાનો દીપ પ્રગટાવવાનો છે. એવો આશાનો દીપ કે જે તેમને મૃત્યુના ઓછાયા તળે ‘કિસ ઓફ લાઈફ’ સમો શીતળતાભર્યો લાગે અને તે કિસ તેમને સ્વસ્થ જીવન આપતી જાય ! તા.ક. અંગ્રેજ કવિ વિલિયમ વર્ડઝવથે કહેલું, ધ ચાઈલ્ડ ઇસ થઈ ફાધર ઓફ થઈ મેન. ઇમરાન હાશમી તથા તેમના પુત્ર આયાનના સંદર્ભે આ વાત કેવી સાચી લાગે છે ! પિતા જે ન જીરવી શક્યો તે સત્ય પુત્ર જીરવી ગયો અને પચાવી પણ ગયો ! બાળક પાસેથી પિતાએ શીખવાનું થયું.